Intumwa y’Imana Muhamad (s) yaravuze ati: “Ukwezi kwa Rajab ni ukwezi gukomeye kw’Imana kandi ibyiza bikurimo ntiwabivuga ngo ubirangize, kurwana n’abahakanyi muri uku kwezi byaraziririjwe. Rajab ni ukwezi kwa Allah naho ukwezi kwa Sha’aban kukaba ukwezi kwanjye naho ukwezi kwa Ramadhan ni ukwezi kwa ummat yanjye, umuntu ufunga umunsi umwe mu kwezi kwa Rajab, Allah (swt) aramwishimira ndetse n’ibihano bya Allah bikamujya kure cyane ndetse n’urugi mu nzugi za Jahanam kuri we rugafungwa”.
Nanone Imam Mussa al Kadhwim (a.s) muri imwe muri riwayat zivuga ku byiza by’ukwezi kwa Rajab yaravuze ati: “Uzafunga umunsi umwe mu minsi y’ukwezi kwa Rajab umwaka umwe mu myaka y’umuriro wa Jahanam uzamushyirwa kure naho uzasiba iminsi itatu muri kuno kwezi ijuru rizaba itegeko kuri we”. Arongera aravuga ati: “Ukwezi kwa Rajab ni izina ry’umugezi wo mu ijuru urusha amata kwera ndetse ukarusha ubuki kuryohera bityo rero uzafunga umunsi umwe muri uku kwezi ntakabuza ko azasoma kuri aya mazi”.
IBIKORWA BIKORWA MURI UKU KWEZI
IBIKORWA BIKORWA MU IJORO RYA MBERE RY’UKWEZI KWA RAJAB
Intumwa y’Imana yavuze ati: “igihe nabonaga ikimenyetso cy’ukwezi kwa Rajab najyaga nsoma ubu busabe”.
Ubwo busabe ni ubu:
اَللّـهُمَّ اَهِلَّهُ عَلَیْنا بِالاْمْنِ وَالاْیمانِ وَالسَّلامَةِ وَالاْسْلامِ رَبّى وَرَبُّکَ اللهُ عَزَّوَجَلَّ»؛
Nyagasani gira uku kwezi kuri twe ukw’amahoro n’umutekano no kugandukira Allah n’ubuzima bwiza n’ukw’iterambere kuri twe ndetse n’idini ya Islam uyigire nshya Muremyi wanjye ukaba n’Umuremyi wawe (yewe kwezi) kwa Rajab; Yewe Mana usumba byose.
Nanone intumwa Muhamad (s) iragira iti: “igihe nabonaga ukwezi kwa Rajab naravugaga nti:
اَللّـهُمَّ بارِکْ لَنا فى رَجَب وَشَعْبانَ، وَبَلِّغْنا شَهْرَ رَمَضانَ، وَاَعِنّا عَلَى الصِّیامِ وَالْقِیامِ، وَحِفْظِ اللِّسانِ، وَغَضِّ الْبَصَرِ، وَلا تَجْعَلْ حَظَّنا مِنْهُ الْجُوعَ وَالْعَطَشَ
Mana Nyagasani duhe imigisha muri uku kwezi kwa Rajab na shaban kandi uzatugeze mu kwezi kwa Ramazan; dufashe tuzabashe gusiba ndetse tuzabashe no gukora ibihagararo udufashe no kurinda indimi zacu n’amaso yacu kandi inyungu zacu muri kuno kwezi zizabe kuturinda kugira inyota ndetse n’inzara”.
Ibindi bikorwa mu ijoro rya mbere ry’ukwezi kwa Rajab:
1. Koga Ghusl
Sayyid ibn Twawus yaravuze mu gitabo cyitwa Al ibadat, hadith yavuye ku ntumwa y’Imana (s) ivuga ko umuntu uzagira ibikorwa akora muri uku kwezi maze mu ntangiriro zako, hagati yako ndetse no ku iherezo ryako akoga Ghusl azahanagurwaho ibyaha amere nk’igihe yaravuye munda ya nyina umubyara!
2. Ziyarat ya Imam Hussein (as) muri iri joro ifite agaciro gakomeye cyane.
3. Gukora isengesho rya Rakat 20, umuntu asenga rakat ebyiri ebyiri muri buri rakaat usoma inshuro 1 isura ya Alhamdu na Qul huwa llahu. Iri sengesho rikorwa nyuma y’isengesho rya al Maghrib.
Intumwa y’Imana Muhamad(s) ivuga ku bihembo by’iyi swalat yararahiye maze iravuga iti: “uzarikora umuryango we, abana be, umutungo we bizahora birinzwe kandi azarindwa ibihano byo mumva kandi ku munsi w’imperuka azanyura kuri siratwa (ikiraro kijya mu ijuru) yihuta nk’umurabyo.
4. Gukora isengesho rya Rakat ebyiri, aho irakaat ya mbere usomamo al Hamdu na Alam nashrah, na Qul huwa llahu inshuro eshatu. Naho muri Rakat ya kabiri ugasoma, al Hamdu, Alam nashrah, Qul huwallahu, Suratu Naas na Surat al Falaq inshuro imwe. Nyuma ya salaam usome inshuro 30 La ilaha ila LLah usome na swalawatu inshuro 30.
Iri sengesho rikorwa nyuma y’isengesho rya al Ishaa.
Intumwa y’Imana Muhamad(s) yavuze ko uzakora ibi bikorwa Allah azamubabarira ibyaha bye ndetse anabimuhanagureho byose uko byakabaye.
Ni mustahab kandi gusoma iyi dua ya imam Jawad(a.s).
«اَللّـهُمَّ اِنّى اَسْئَلُکَ بِاَنَّکَ مَلیکٌ، وَاَنَّکَ عَلى کُلِّ شَىْء مُقْتَدِرٌ، وَاَنَّکَ ما تَشآءُ مِنْ أَمْر یَکُونَ اَللّـهُمَّ اِنّى اَتَوَجَّهُ اِلَیْکَ بِنَبِیِّکَ مُحَمَّد نَبِىِّ الرَّحْمَةِ، صَلَّى اللهُ عَلَیْهِ وَآلِهِ، یا مُحَمَّدُ یا رَسُولَ اللهِ، اِنّى اَتَوَجَّهُ بِکَ اِلَى اللهِ رَبِّکَ وَرَبِّى لِیُنْجِحَ بِکَ طَلِبَتى»
